Aukin áhersla á kennslu kynjafræði í framhaldsskólum

Með aukinni þekkingu má bæta svo ótalmargt í samfélaginu okkar. Grundvöllur fyrir því að ná fram jafnrétti kynjanna felst fyrst og fremst í fræðslu. Það að bjóða upp á kynjafræði í öllum framhaldsskólum, jafnvel hafa það sem skyldufag -og/eða hafa aukinn hlut kvenbaráttu í sögu er stórt og gott skref í rétta átt. Í viðhengi má sjá eina af mörgum fréttum um upplifun Jóns Karls Einarssonar, nema í Borgarholtsskóla, eftir að hafa tekið kúrs í kynjafræði. Lærum af því sem hann hefur að segja.

Eðlilegast fyndist mér að þessi fræði yrðu fléttuð inn í aðrar greinar og t.d. saga kvenna og kvennabaráttu fengi eðlilega athygli í sögukennslu strax í grunnskóla, auk þess sem kynjafræði ætti að kenna amk í framhaldsskólum, mögulega efstu bekkjum grunnskóla. En einhvers staðar þarf svo sem að byrja og þá eru kúrsar í framhaldsskólum líklega fínn staður.

Þetta er ágætishugmynd, en er þetta ekki rangur vettvangur? Framhaldsskólar eru ekki á forræði borgarinnar. Hinsvegar myndi ég styðja hugmynd á þessum vef um að kenna kynjafræði í grunnskólum.