Til stendur að byggja viðbyggingu við Sundhöllina með útisundlaug og fleiru og hefur þegar farið fram samkeppni arkitekta um hygmyndir á útfærslu eins og sjá má hér: reykjavik.is/frettir/vidbygging-og-utisundlaug-vid-sundholl-reykjavikur Hægt væri að efna til íbúakosninga í Reykjavík um bestu útfærsluna með tilheyrandi kynningu og umfjöllun. Jafnvel væri hægt að hugsa sér að kosningarnar færu fram hér á betrireykjavik.is
Margir hafa sterkar skoðanir á því hvernig eigi að byggja við hina glæsilegu Sundhöll, perlu Guðjóns Samúelssonar. Faglega vinnan og hugmyndavinnan hefur nú þegar farið fram og dómnefnd hefur farið í gegnum innsendar tillögur í hönnunarsamkeppninni. Bestu tillögurnar liggja því fyrir og ekkert því til fyrirstöðu að kynna þær vel og setja ákvörðunina í hendur þeirra sem ráða borginni - íbúanna.
This content is created by the open source Your Priorities citizen engagement platform designed by the non profit Citizens Foundation