Það vantar göngubrú á Miklubrautina, þar sem gangbrautarljósin teppa umferð á háannatímum á Miklubrautinni.
Myndi létta á umferðartempu sem myndast á háannatíma
Mikill fjöldi barna setur sig í mikla hættu daglega með að fara yfir gönguljósinn við 365 miðla. Margir ökumenn virða ekki ljósin og ítrekað er tekið fram úr á strætóakreininni.
Þegar umferðateppan er sem mest við Lönguhlíð skiptir litlu máli hvort þessi ljós stoppi umferðina eða ekki, það er hvort sem er alltaf röð við ljósin yfir Lönguhlíð. Það er talsvert mikil umferð gangandi og hjólandi þarna yfir og brú væri bara til þess að gera það tímafrekara að komast yfir auk þess sem það er alltaf erfiðara að halda brúm greiðfærum á veturna í snjó og hálku.
Þarna er eitt þéttasta skólasvæði Reykjavíkurborgar með leikskólum, grunnskólum, menntaskólum, háskólum og íþróttafélagi, bæði norðan og sunnan megin Miklubrautarinnar. Þrátt fyrir þá staðreynd er þetta eini bútur Miklubrautar sem ekki er hægt að fara yfir brú eða í gegnum undirgöng. Fyrir forráðamenn barnanna sem flæða þarna á milli skiptir miklu að öryggi þeirra sé tryggt og ljóst að þau leggja sig í ákveðna hættu í hvert sinn sem þau fara yfir þessa þyngstu umferðargötu á Íslandi.
Börn fara reglulega þarna yfir til þess að sækja skóla og/eða íþróttir og myndi þetta því stórbæta aðstöðuna og tengja betur hverfið.
Gangbrautin er illa upp lýst og gangandi vegfarendur sjást afar illa sérstaklega þegar götur eru blautar og myrkur úti. Hef ítrekað séð gangandi vegfarendur hlaupa yfir á rauðu ljósi og leggja sig í stór hættu. Brú/undirgöng myndi leysa þennan vanda, auk þess að koma í veg fyrir umferðartafir.
Þessi hugmynd hefur verið færð í Þín Rödd í ráðum borgarinnar og hægt er að finna hana hér: https://thin-rodd.betrireykjavik.is/post/9128
This content is created by the open source Your Priorities citizen engagement platform designed by the non profit Citizens Foundation